Sport Club “Gjilani” ka mbetur shumë mbrapa në luftën për titullin kampion.
Tashmë mësohet se klubi gjilanas i ka ndarë rrugët edhe me kryetrajnerin, Ismet Munishi, pas rezultateve të dobëta, raporton Gazeta Enigma.
Këtë lajm e ka konfirmuar edhe Presidenti i SC Gjilanit, Florim Zuka.
“Ismeti nuk do të jetë më trajner i Gjilanit. I kemi ndarë rrugët me të. Është marrëveshje e dyanshme, por për më shumë nuk kam koment”, ka thënë Zuka për Kohën.
Kohëve të fundit Munishi kishte kërkuar të luhet futboll i pastër, duke shfaqur dyshime në rregullim të ndeshjeve.
Gjilani pozicionohet në vendin e tretë me 55 pikë të mbledhura, nëntë më pak se lideri, Ballkani.
/Gazeta Enigma/
