Kreu i OVL të UÇK-së, Nasim Haradinaj është shpallur fajtor nga Gjykata Speciale për disa nga pikat e aktakuzës që lidhen me pengimin e administrimit të drejtësisë, shkeljes së fshehtësisë së procedurës e pengim të personave zyrtar.
Kryetari i trupit gjykues shpalli aktgjykimin, duke njoftuar dënimin me 4 vjet e gjysmë burgim, duke llogaritur kohën e paraburgimit.
Haradinaj po ashtu u dënua me një gjobë prej 100 eurosh.
Kreu i OVL-UÇK-së u shpall i pafajshëm për veprën penale të hakmarrjes.
Hysni Gucati dhe Nasim Haradinaj u arrestuan më 26 shtator 2020 me urdhër të Gjykatës Speciale. Ata u akuzuan për pengim në administrimin e drejtësisë, frikësim të dëshmitarëve, hakmarrje dhe shkelje të fshehtësisë së procedurës.
