Në kuadër të javës së 7-të në Superligën e Kosovës në futboll do të zhvillohet derbi i zjarrtë mes Dritës dhe Gjilanit.
Rivalët lokal do të përballen ditën e mërkurë me fillim nga ora 15:00 në stadiumin ndihmës në Gjilan, raporton Gazeta Enigma.
Ditën e djeshme ishin deleguar gjyqtarët dhe në dhomën e VAR-it ishte deleguar gjyqtari Vigan Ibërdemaj.
Pasi që ky lajm u publikua në media, i menjëhershëm ka qenë reagimi i tifozëve të Gjilanit, ‘Skifterat’, të cilët kanë kërkuar nga Komisioni që ta ndërrojnë menjëherë pasi që sipas tyre Ibërdemaj e kishte ‘masakruar’ skuadrën e tyre në ndeshje ndaj Drenicës.
Gazeta Enigma mëson ekskluzivisht se tashmë Komisioni për Delegimin e Gjyqtarëve e ka ndërruar Vigan Ibërdemajn duke e zëvendësuar me Granit Pacollin.
Ibërdemaj tashmë është deleguar në ndeshjen Trepça ’89 – Ferizaji.
/GAZETA ENIGMA/
