Projektligji për lejimin e tërheqjes së 30% të mjeteve nga Trusti Pensional i Kosovës, pa mendim të Qeverisë iu është dërguar sërish deputetëve të Kuvendit të Kosovës për ta shqyrtuar para se të hidhet në votim.
E ky projektligj para se të shkon në seancë duhet që të diskutohet në komisionin për Buxhet, Punë dhe Transfere, por ende nuk dihet se a do të diskutohet këtë javë.
Këtë e ka bërë të ditur, anëtari i këtij komisioni, deputeti i PDK-së, Ferat Shala.
“Ende se kem në rend të ditës në komision, se dimë ende kur vjen”, tha Shala.
Ndërsa për arsyet e vonesës së diskutimi të këtij projektligjin në Komision, deputeti Bekim Haxhiu, tha se kryetari i komisionit Armend Muja, duhet që të përgjigjet se pse po vonohet diskutimi i projektligjit.
“Kryetari i Komisionit duhet të përgjigjet pse po vonohet”, tha shkurt Haxhiu.
