Arabia Saudite ka shkaktuar befasinë e parë në Kampionatin Botëror duke mposhtur njërin prej favoritëve kryesorë për ta fituar titullin, Argjentinën.
Argjentina kishte epërsinë prej një goli të shënuar nga Lionel Messi, mirëpo arabët arritën ta përmbysnin rezultatin.
Përmbysja e rezultatit duket se ka “çmendur” tifozët arab që ndodheshin në stadium e po ashtu edhe komentatorin arab, i cili është bërë viral në internet për mënyrën e komentimit.
Golin e parë për Arabinë Saudite e shënoi Saleh Al Shehri kurse të dytin Salem Al Dawsari.
Arabia Saudite tashmë ka vendin e parë në Grupin C, ndërsa më vonë në kuadër të këtij grupi do të luajnë edhe Meksika e Polonia.
