Pas shumë spekulimeve nëse goli i dytë i Japonisë ishte i rregullt apo jo në duelin kundër Spanjës që përfundoi 2:1 në të mirë të japonezëve, një ditë pas ndeshjes, të premten, FIFA dha detaje shtesë.
Sipas videos së publikuar nga FIFA të premten pasdite, shihet se vendimi për golin ishte i rregullt, ndërsa se u pranua pas konsultimit me VAR-in.
Kjo ndeshje i takoi Grupit E. Ao Tanaka shënoi për epërsinë dhe rezultatin final, 2:1.
Ky gol bëri që Gjermania të eliminohej nga Botërori i Katarit, Japonia të kualifikohej tutje nga vendi i parë, ndërsa Spanja nga vendi i dytë.
“Goli i dytë i Japonisë në fitoren 2:1 u shikua nga VAR-i për të vendosur nëse topi ka qenë jashtë. Zyrtarët kanë përdorur teknologjinë dhe imazhet e vijës së portës për të parë nëse topi kishte dalë apo nuk kishte dalë krejtësisht jashtë. Kamerat tjera mund të japin imazhe jo të sakta por në bazë të provave, i gjithë topi nuk kishte dalë jashtë vijës”, shkruhet në dy njoftime të FIFA-s.
Japan’s second goal in their 2-1 win over Spain was checked by VAR to determine if the ball had gone out of play.
The video match officials used the goal line camera images to check if the ball was still partially on the line or not. pic.twitter.com/RhN8meei6Q— FIFA.com (@FIFAcom) December 2, 2022
