Reshjet e mëdha të shiut që ranë gjatë ditës së enjte në Kosovë kanë shkaktuar vërshime të shumta.
Situata më e rëndë po vlerësohet të jetë në Skenderaj e Mitrovicë, ku kryetarët e këtyre dy komuna shpallen Gjendje Emergjente.
Ndërkaq në komunën e Klinës, mësimi u pezullua.
Bashkim Kastrati, nga Instituti Hidrometeorologjik të Kosovës tha në Edicionin Special se sasia e reshjeve është jashtë normales.
“Sasia e reshjeve mesatare gjatë këtyre ditëve është 70 deri në 100 milimetra, ndërsa në komunën e Junikut reshje ka pasur deri në 150 milimetra. Kjo sasi e reshjeve është mbi mesatarën në këtë periudhë kohore, pra reshje të shiut. Dhe pashmangshëm këto kanë shkaktuar pasoja, fatmirësisht pa pasoja në njerëz”, tha Kastrati.
