Katër persona kanë vdekur sonte si pasojë e një aksidenti të rëndë që ka ndodhur mes tri veturave para rreth një ore, në rrugën Ferizaj-Shtime, konkretisht në fshatin Koshare.
Sinjali ka mësuar se tre nga katër personat e vdekur në këtë aksident tragjik janë të moshës 21-vjeçare, 23 dhe 39-vjeçare. Mosha e viktimës së katërt nuk është mësuar ende.
Vdekjen e tyre e ka konfirmuar ekipi mjekësor që doli në vendin e ngjarjes, ndërsa si pasojë e këtij aksidenti kanë mbetur të lënduar edhe një çift, që pësuan lëndime të rënda trupore.
