Manchester City e ka dominuar Arsenalin duke e mposhtur me rezultat 4-1 në derbin e javës së Ligën Premier.
Ndeshja nisi më mirë për vendasit që tentuan që në start, por kërkesa e tyre për një penallti, nuk u besua nga gjyqtari.
Por në minutën e 7-të, Kevin de Bruyne mori një top gati nga mesi i fushës, duke vrapuar drejt portës, për të shënuar me një goditje të saktë për 1-0.
Pas golit Erling Haaland shpërdoroi tre raste shumë të mirë për të shënuar.
Pak pa u mbyllur pjesa e parë në skenë doli John Stones që shënoi me kokë për 2-0.
Edhe pjesa e dytë kishte të njëjtë histori, me Man Cityn që vazhdonte të sulmonte.
Goli i tretë në ndeshje erdhi në minutën e 54-të, kur De Bruyne shënoi për 3-0 pas asistimit të Haaland.
Krejt çfarë bëri Arsenali ishte një gol në fundin e ndeshjes me Rob Holding për 3-1.
Por kjo ndeshje nuk mund të përfundonte pa një gol të Erling Haaland që shënoi në minutën e katërt të kohës shtesë.
Kjo fitore mund t’ia dhurojë Man Cityt titullin e kampionit, pasi tani 73 pikë, dy më pak se Arsenali, por që kanë edhe dy ndeshje më pak të zhvilluara.
