Emisari i Bashkimit Evropian për dialogun Kosovë-Serbi, Miroslav Lajçak, ka vizituar të martën Prishtinën ku është takuar me krerët institucionalë.
Ai ka takuar edhe përfaqësues të KFOR’it në Kosovë dhe të EULEX’it.
Lajçak ka shkruar në Twitter për nevojën urgjente për de-eskalim të situatës në Veri.
”Shkëmbime të rëndësishme dhe të dobishme me HoM të ri @EULEXKosovoMG Barbano, dhe COM @NATO_KFOR MG Ristuccia. U diskutua për situatën e vazhdueshme të tensionuar në veri të Kosovës, nevojën urgjente për hapa konkretë për deeskalim nga të gjitha palët dhe mundësitë që organizatat tona të kontribuojnë”, ka shkruar Lajçak.
