Isa Mustafa ish-kryeministër i Kosovës dhe udhëheqës i dialogut Kosovë – Serbi për një kohë, nuk ka asnjë këshillë për Albin Kurtin, i cili brenda ditësh do ta merr rrugën për Bruksel, njëjtë si Mustafa dikur, raporton Gazeta Enigma.
Një nga temat që pritet të diskutohet në takimin e parë në mes të Albin Kurtit e Aleksandër Vuçiq pritet të jetë edhe Asociacioni i Komunave me Shumicë Serbe dhe ndonjë variant i tij.
“Qeverisë së VV-së që e ka kallur Kuvendin dhe Kosovën kundër Asociacionit, nuk kam çfarë i them”, ka thënë Isa Mustafa në një përgjigje me shkrim për Albanian Post, transmeton Gazeta Enigma.
“Ajo tani merr vendime, nuk proteston”, ka vazhduar ai.
Mustafa që akuzohej se në Bruksel po e copëton Kosovën me nënshkrim të Asociacionit, thotë se ai kurrë s’ka nënshkruar ndonjëherë për themelimin e bashkisë së komunave.
“Ajo që unë kam nënshkruar është marrëveshje e parimeve, jo marrëveshje për themelim e Asociacionit, sepse unë e kam trashëguar Ligjin i cili është votuar me mbi 2/3 e deputeteve”, pohon Mustafa./Gazeta Enigma/
