Real Madridi ka triumfuar ndaj Barcelonës me rezultat 2-1 në atë që njihet ndryshe si ‘El Clasico’, në kuadër të javës së 11-të në elitën e futbollit spanjoll.
Vendasit morën epërsinë në minutën e gjashtë pas një gabimi fatal të mbrojtjes madrilene, gabim të cilin e shfrytëzoi për mrekulli Ilkay Gundogan që shënoi për 1-0.
Pas golit të shënuar, Barcelona u mundua ta menaxhojë epërsinë e krijuar dhe këtë ja arriti me sukses duke mos lejuar që mysafirët të rrezikojnë portën e tyre gjatë pjesës së parë.
Blaugranasit patën mundësinë e artë për të dyfishuar rezultatin në minutën e 52-të, por goditjen e Ronald Araujos e ndal me shumë vështirësi portieri mysafir Kepa Arrizabalaga.
Reagimi i madrilenëve erdhi në minutën e 68-të, ku në skenë u shfaq Jude Bellingham i cili me një goditje tejet të fuqishme nga jashtë zonës shënon për 1-1 duke e lënë pa asnjë gjasë Ter Stegen.
Los Blancos kërkuan penallti në minutën e 79-të pas një ndërhyrje në Camavingan, por gjyqtari heshti dhe loja vazhdoi.
Rikthimin e ‘çmendur’ Reali e kompletoi në minutën e 92-të të takimit ku përsëri i njëjti lojtar, Jude Bellingham, shënoi për t’i dhënë madrilenëve epërsinë prej 2-1 duke bërë që të rikthehen përsëri si lider në La Liga.
Pas kësaj ndeshje diferenca mes Barcelonës dhe Real Madridit shkon në katër pikë.
Real Madridi rikthehet si lider me 28 pikë të tubura, ndërsa Barcelona pozicionohet e treta me 24 sosh.
