Deputeti i Lëvizjes Vetëvendosje, Andnan Rrustem,i tha se do të donte që Albin Kurti ta udhëhiqte dialogun që nga viti 2011, por kjo tha është e pamundur sepse koha nuk kthehet.
Sipas tij, po të ishte Kurti kryenegociator nga ajo kohë, vendi nuk do të kishte marrëveshje të dëmshme.
“Unë e thash nuk kam asnjë dilemë, Vetëvendosja është në betejën politike në një pozicion tjetër në rrethana tjera, e me mjete tjera. Do të doja po të ishte e mundur, sepse Vetëvendosja ka bërë politikë intensive edhe të proceseve tjera politike. Do të doja, që z.Kurti të ishte negociator në emër të Kosovës që në vitin 2011, unë jam i bindur që sot nuk do të ishim në situatën në çfarë jemi dhe nuk do të kishim shumë procese që kanë ndodhë. Nuk do ta kishim 2013-ën nuk do ta kishim 2015-ën, nuk do të kishim shumë marrëveshje që kanë ndodhë të dëmshme për procese të brendshme, por kjo është e pamundur, koha nuk kthehet, Kurtin smundemi me kthy kryenegociator në vitin 2011”, tha ai në Pressing.
