Viola von Cramon, raportuese për Kosovën në Parlamentin Evropian i ka reaguar ashpër zëvendëskryeministrit të Kosovës, Besnik Bislimi i cili të mërkurën i ka reaguar emisarit të Bashkimit Evropian për dialogun Kosovë-Serbi, Miroslav Lajçak, pasi ky i fundit takoi disa pjesëtarë të organizatave joqeveritare serbe. Bislimi e kishte kritikuar emisarin e BE-së për “qasje të pa drejtë dhe jo neutrale”.
Por euro deputetja gjermane i ka thënë Bislimit se “BE-ja është e zonja e vetës kënd e takon”.
Përmes një reagimi në platformën “X”, të enjten von Cramon ka thënë se është shumë e shqetësuar me veprimet e Qeverisë së Kosovës, sipas së cilës po luhatin parimin e multietnicitetit si pjesë e Planit të Ahtisarit – duke shtuar se mbi këto parime perëndimi e ka njohur Kosovën në vitin 2008.
“Bashkimi Evropian është zonja e vetës dhe nuk ka nevojë që dikush t’u tregojë zyrtarëve të saj se kë dhe në çfarë ore mund të takohen Lajçak është takuar vazhdimisht me të gjithë aktorët kryesorë të cilët mund të kontribuojnë me veprimet e tyre për normalizimin e marrëdhënieve ndërmjet Kosovës dhe Serbisë. Kjo vizitë nuk bën përjashtim në këtë drejtim”.
“Këta njerëz nuk janë zëdhënës të Vuçiqit, por OJQ të pavarura që mbështesin programet multietnike dhe punojnë pa u lodhur për integrimin brenda Kosovës”, ka deklaruar ajo.
“Këto deklarata nuk janë vetëm të rreme, por edhe të rrezikshme pasi vendosin në shënjestër personat dhe organizatat e tyre. Unë personalisht jam thellësisht e zhgënjyer dhe e shqetësuar për deklaratat dhe veprimet e fundit të autoriteteve të Qeverisë së Kosovës që kanë një efekt direkt dhe negativ ndaj pjesëtarëve të serbeve etnikë dhe pakicave të tjera”.
The EU is its own master and does not need someone to tell its officials whom and at what time they can meet.
I am personally deeply disappointed and concerned as these statements are not only false but also dangerous as they put the target on NGO reps.
My full statement: 👇 https://t.co/evjuB4u0n2 pic.twitter.com/kWW6EH6Tpb— Viola von Cramon 🇺🇦🇪🇺🇮🇱 (@ViolavonCramon) February 15, 2024
