Presidentja e vendit, Vjosa Osmani në konferencën e përbashkët me të dërguarin e SHBA-ve, Gabriel Escobar njoftoi për atë se çka diskutuan në takim me të, me theks të veçantë tek siguria e vendit, shkruan Gazeta Enigma.
Ajo tha se është kruciale që Serbia të përgjigjet për këtë sulm, duke i ekstraduar ata që dyshohet se janë përfshirë në sulmin e Banjskës.
“Diskuam për sfidat e sigurisë në rajonin tonë, grupi terrorist dhe paramilitar nga Serbia duhet të përballet me drejtësinë Serbia ti ekstradojë gjithë ata që ishin pjesë e këtij akti agresioni kundrejt republikës së Kosovës dhe kundër stabilitetit në rajon. Do vazhdojmë të punojmë krah për krah me aleatët tanë që kufiri i jonë të jetë i sigurtë dhe t’a parandalojmë sulmet e tilla”, tha Osmani.
Diskutim tjetër mes Osmanit e Escobar-it ishte edhe çështja e dialogut, për të cilin Osmani tha se institucionet e vendit mbeten të përkushtuara.
“Ne jemi thellësisht të përkushtuar në dialog, dhe kam potencuar se kjo varet nga qasja parimore dhe e barabartë e ndërmjetësuesit, BE-së ndërmjet palëve. Është kruciale të ketë zbatim të plotë të marrëveshjeve të darkorduara, veçanërisht marrëveshjes së Ohrit të arritur në shkurt të vitit 2023”, theksoi ajo.
Osmani pas takimit me Escobar: Serbia t’i ekstradojë të gjithë të përfshirët në sulmin në Banjskë
