Të mërkurën Universiteti i Prishtinës dhe Universiteti i Arkansasit mbajtën konferencë me rastine 25 vjetorit të ndërhyrjes së NATO-s në Kosovë.
Pjesë e këtij organizimi ka qenë edhe presidentja e Republikës së Kosovës, Vjosa Osmani.
E para e vendit tha se ndërhyrja e NATO-s ka qenë një moment historik vendimtar në historinë moderne të njerëzimit.
Osmani theksois e ndërhyrja e NATO-s shënoi një kthesë vendimtare për historinë e Kosovës.
“Ndërhyrja e NATO-s shënoi jo vetëm një kthesë vendimtare në historinë e vendit tonë, por edhe një moment historik vendimtar në historinë moderne të njerëzimit. Përgjegjësia për të mbrojtur vendos standardin për brezat që do të vijnë dhe mbetet edhe sot e kësaj dite një nga ndërhyrjet më të suksesshme në historinë moderne. Më 24 mars 1999, drejtësia, liria dhe solidariteti ndërkombëtar triumfuan mbi brutalitetin e gjenocidit tonë të pamëshirshëm të regjimit. Atë ditë bota tha jo, atë ditë një front i bashkuar demokratik tha një mesazh të qartë dhe të fortë se nuk do të qëndronte kot pasi spastrimi etnik dhe një luftë brutale gjenocidale po shpaloseshin nga forcat e Millosheviqit. Kosova ka dalë nga hiri i luftës për t’u bërë një demokraci e gjallë, duke aspiruar të kontribuojë në paqen dhe sigurinë ndërkombëtare si partneri juaj”, deklaroi Osmani.
Gjithashtu, presidentja potencoi se forcat e errëta të Serbisë janë ende shumë aktive sot dhe se çdo ditë që kalon, Serbia nuk turpërohet të na kujtojë qëllimet e saj të vërteta.
“NATO është fati ynë, ky fat bazohet në dëshirën tonë për të ndarë përgjegjësitë për sigurimin e paqes dhe stabilitetit në rajonin tonë dhe më gjerë. Vendimi i NATO-s në vitin 1999 ishte një kujtesë se ne, si bashkësi ndërkombëtare, si demokraci, kur të bashkohemi, të vendosur dhe të bashkuar, mund të përballemi me forcat e errësirës dhe të sjellim një të ardhme më të ndritshme. Kjo ndërhyrje nuk kishte të bënte vetëm me arritjen e paqes.Fatkeqësisht, forcat e errëta janë ende shumë aktive sot. Çdo ditë që kalon, Serbia nuk turpërohet të na kujtojë qëllimet e saj më të vërteta”, ka thënë ajo./GazetaEnigma/
