Një aksident tragjik është regjistruar në Bari ku ka mbetur i vdekur një 32-vjeçar shqiptar.
Ngjarja raportohet se ka ndodhur në një fshat të Pulias në provincën e Barit. Viktima raportohet se po punonte me traktor ndërsa mjeti bujqësor ka humbur kontrollin, raportojnë mediat italiane, përcjellë Enigma.
Automjeti u përplas me një mur guri. Përplasja e tmerrshme nuk la asnjë shans shpëtimi për 32-vjeçarin, i cili ka gjetur vdekjen e menjëhershme.
Viktima është identifikuar si K. Bardo. Viktima kishte shkuar në Itali për një jetë më të mirë. Ai jetonte në Conversano dhe ishte punësuar nga një kompani bujqësore me qendër në qytetin e vogël Rutigliano, në provincën e Barit.
