Kryeministri i Kosovës, Albin Kurti, në mbledhjen e katërt të Grave për Vetëvendosje ka thënë se çdo diskriminim ndaj grave duhet të luftohet, raporton Gazeta “Enigma”.
Tutje Kurti ka deklaruar se pabarazie gjinore është trashëguar e mirëmbajtur, pasi kjo iu ka konvenuar burrave.
Por, kryeministri thotë se gjërat mund të bëhen më ndryshe e më drejtë.
“Pabarazia gjinore ka shkaqe strukturore e historike, kjo lloj pabarazie na është trashëguar e më pas dhe mirëmbajtur. Ç’është e vërteta e kanë mirëmbajtur burrat kryesisht. Kjo pasi iu kanë përshtatur”, tha Kurti.
“Kur gratë kanë sukses, e dimë që ato janë përpjekur dy herë më shumë se burrat, ndërsa kur burrat kanë sukses, ata zakonisht janë ndihmuar nga gratë. Pra gratë janë mbështetëse të suksesit të burrave”.
“Pra gjërat mund të bëhen më ndryshe, të bëhen më drejtë, që të mos jenë përballë me burrat”, u shpreh i pari i qeverisë.
“Shteti e ka obligim që ta frenojë çdo diskriminim pa përjashtim, roli i qeverisë sonë ka qenë dhe është që t’i mbrojë gratë”. /Gazeta Enigma/
