Kryeministri i Kosovës, Albin Kurti, ka shprehur ngushëllime për familjarët e të vdekurve në aksidentin e Badocit.
Ai ka thënë se kjo ishte vdekje tragjike, dhe lut qytetarët që të kenë kujdes e t’i respektojnë rregullat e komunikacionit si dhe të dekurajojnë të gjithë ata që praktikojnë tejkalimin e shpejtësisë së lejuar apo afirmojnë vozitjen tepër të shpejtë.
“Vdekje tragjike e tre të rinjve mbrëmë rreth mesnatës. Ngushëllime të sinqerta familjeve, shokëve dhe shoqeve të tyre. Në këtë kohë të rëndë ndajmë dhimbjen dhe pikëllimin me ta. I lus qytetarët që të kenë kujdes e t’i respektojnë rregullat e komunikacionit si dhe të dekurajojnë të gjithë ata që praktikojnë tejkalimin e shpejtësisë së lejuar apo afirmojnë vozitjen tepër të shpejtë”, shkroi Kurti në Facebook. /Gazeta Enigma
Kurti reagon pas aksidentit tragjik në Badoc, lut qytetarët për kujdes në komunikacion
