Ministrja e Tregtisë, Rozeta Hajdari, pas takimit të Komitetit të Përbashkët të CEFTA-s, i kryesuar nga Serbia këtë vit, ku ajo mori pjesë virtualisht, tha se në këtë mbledhje ku për herë të parë Kosova u prezantua vetë dhe pa UNMIK-un dhe se votimet nuk janë penguar, shkruan Enigma.
Këto deklarata ajo i bëri në një konferencë për media bashkë me këshilltarin e kryeministrit Kurti, Jeton Zulfaj.
“Votimet kanë shkuar lehtë pa ndonjë pengesë, sepse të gjitha këto vendime së pari janë diskutuar në nivel të pikave kontaktuese të CEFTA-s, që e marrin një aprovim paraprak, pastaj vijnë në takimin e Komitetit të Përbashkët për CEFTA. Në këtë rast, MINT e ka përfaqësimin si pikë kontaktuese për CEFTA që është Dedaj ku për orë të tëra për çdo vendim kanë diskutuar në nivel teknik për nivel të pikave të kontaktit të CEFTA-s dhe kanë adaptuar të gjitha ndryshimet që janë pajtuar si me konsensus të përbashkët për përfaqësimet e vendeve anëtare në CEFTA dhe kështu që ka shkuar gjithçka lehtë dhe mirë në vendimmarrjen e sotme”, tha ajo.
