Në Dhomat e Specializuara të Gjykatës së Hagës sot do të mbahet konferenca për ecurinë e çështjes në rastin Hashim Thaçit, Kadri Veselit, Rexhep Selimit dhe Jakup Krasniqit.
Kjo konferencë është paraparë të mbahet nga ora 09:00.
“Siç ka njoftuar Trupi Gjykues, palët do të takohen nesër, më 19 shkurt në ora 09:00, në një Konferencë për ecurinë e çështjes për të diskutuar lidhur me hapat e ardhshëm procedural”, u bë e ditur në një njoftim të kësaj gjykate një ditë më parë, transmeton Gazeta Enigma.
Të martën, atje ka përfunduar dëshminë dëshmitari i 122-të që mban kodin W04491 dhe ai ishte dëshmitari i fundit për këtë javë. /Gazeta Enigma
