Një person dyshohet se ka mbetur i lënduar nga arma e zjarrit në Klinë, ndërsa dy të tjerë nga mjetet e forta në mbrëmjen e së dielës.
Për rastin më shumë detaje ka dhënë zëdhënësi i policisë për rajonin e Pejës, Fadil Gashi.
Ai ka thënë se rasti ka ndodhur në fshatin Jashanicë.
Sipas tij, gjendja e të plagosurit nga arma e zjarrit është më e rënduar, teksa të tri viktimat janë dërguar për trajtim mjekësor.
“Tre persona janë të lënduar, dy prej tyre me mjete të forta, derisa një tjetër dyshohet nga arma e zjarrit. Gjendja e këtij të fundit është më e rënduar. Ata janë dërguar për emergjencën e spitalit rajonal. Rasti ka ndodhur rreth orës 22:41”, ka thënë Gashi.
Më tej ai bëri të ditur se një i dyshuar është identifikuar, por që ka ikur nga vendi i ngjarjes dhe gjendet në arrati.
Lidhur me rastin kanë nisur hetimet. /Gazeta Enigma
