Deputeti i Lëvizjes Vetëvendosje, Hekuran Murati, u deklarua pas seancës së sotme duke thënë se mbi 30 herë kanë parë partitë politike të refuzojnë të kryejnë detyrimin e tyre kushtetues nën pretekstin që votimi i fshehtë për kryetaren e Kuvendit është antikushtetues.
Sipas tij, vendimi i Gjykatës Kushtetuese në asnjë pikë të vetme nuk e thotë një gjë të tillë.
“Nga Gjykata Kushtetuese u vlerësua që është në përputhje të plotë me Kushtetutën votimi i fshehtë. Deputetët e opozitës janë të vetmit që shkelën Kushtetutën duke mos marrë pjesë në votim. Ne tashmë kemi dëgjuar se ata pretendojnë që përmes juristëve të japin interpretime mbi interpretimin e Gjykatës Kushtetuese”, ka thënë ai.
