Barcelona ka përfunduar të gjithë dokumentacionin e nevojshëm për të finalizuar huazimin e Marcus Rashford nga Manchester United, me sulmuesin anglez që pritet të mbërrijë së shpejti në Spanjë për të kryer testet mjekësore.
Sipas Fabrizio Romano, Barcelona do të mbulojë rreth 14 milionë euro bruto nga paga e Rashford, plus bonuse të lidhura me paraqitjet.
Rashford ka pranuar një ulje prej 15 për qind nga paga që përfitonte te Manchester United, ndërsa klubi anglez nuk do të kontribuojë financiarisht gjatë periudhës së huazimit.
Marrëveshja përfshin edhe një klauzolë blerjeje prej 30 milionë euro, e vlefshme deri në qershor 2026.
Kjo klauzolë i jep Barcelonës mundësinë ta blejë Rashfordin përfundimisht, nëse vendos ta aktivizojë opsionin.
Ky transferim vjen pas një periudhe të vështirë për Rashfordin te Manchester United, ku pati minutazh të kufizuar nën drejtimin e trajnerit Ruben Amorim.
Megjithatë, ai pati një huazim të suksesshëm te Aston Villa, ku realizoi katër gola dhe dha gjashtë asistime në 17 paraqitje.
Struktura e kësaj marrëveshjeje i ndihmon Barcelonës të menaxhojë kufizimet që lidhen me ‘Fair-play’ financiar duke përforcuar njëkohësisht repartin ofensiv.
Rashford pritet t’i bashkohet skuadrës për turneun përgatitor që Barcelona do të zhvillojë në Japoni.
