Ambasada e Shteteve të Bashkuara të Amerikës në Kosovë, ka shkruar rreth vizitës që e pati Zëvendës-ndihmës Sekretari i Mbrojtjes David Baker.
Në shkrimin e Ambasadës, përmenden takimet që i zhvilloi zyrtari i lartë amerikan.
“Falënderime për Zëvendës Ndihmës Sekretarin e Mbrojtjes David Baker dhe Gjeneral Brigade Chris McKinney për vizitën e tyre në Kosovë, ku u takuan me Presidenten Osmani, Kryeministrin në detyrë Kurti, Ministrin e Mbrojtjes Maqedonci, Komandantin e FSK-së, GjeneralLejtnant Jashari dhe Komandantin e KFOR-it, Gjeneral Major Enrico Barduani”.
Pos tjerash, u vizitua edhe baza ushtarake Bondsteel dhe u takuan ushtrinë amerikane aty.
“Gjatë gjithë vizitës, DASD Baker përforcoi partneritetin mbrojtës SHBA-Kosovë dhe mundësitë për të thelluar bashkëpunimin në mbështetje të paqes dhe stabilitetit rajonal”.
