Ambasadori i Britanisë së Madhe në Kosovë, Jonathan Hargreaves, së fundmi ka deklaruar se “Procesi drejt kuptimit të fatit të të zhdukurve ka vite e muaj që ka ngecur”.
Në Ditën Ndërkombëtare të Viktimave të Zhdukjeve me Dhunë, ambasadori tha se “duhet të bëhet më shumë menjëherë”.
Në një konferencë të organizuar nga Programi i Kombeve të Bashkuara për Zhvillim (UNDP) dhe Ambasada Britanike me temën “Ndërtimi i Urave: Avancimi i Pajtimit, Dialogut dhe Zërit Qytetas – Çfarë kemi mësuar”, është nderuar Bajram Qerkinaj, i cili ishte zëri i të gjithë familjarëve të të pagjeturve.
Ambasadori Hargreaves potencoi se mbetën të përkushtuar për të ndihmuar Kosovën.
Tutje, ai ka kujtuar Bajram Qerkinaj, për të cilin tha se vdiq pa arritur të sigurojë informacione për djalin e tij.
Krerët institucional gjatë ditës kanë kërkuar edhe një herë që Serbia të hapë arkivat shtetërore, që sipas tyre, do të ndihmonin në zbardhjen e fatit të të pagjeturve
