Familja e ish-policit Arbor Spahiu, që po mbahet në paraburgim në Serbi ka thirrur protestë, për të kërkuar lirimin e tij.
Në protestën në Prishtinë, qytetarët kanë mbajtur pankarta me mbishkrimin “Arbnori nuk është vetëm” dhe “Drejtësi për Arbnorin” dhe “Liria është e drejtë”, nuk është privilegj.
Organizatorja e protestës tha se Sapihu po mbahet padrejtësisht në burg në Serbi.
“Padrejtësia nuk mund të mbulohet me heshtje, ne jemi këtu për të ngritur zërin e Arbnorit, për të thënë me vendosmëri se liria e tij është e drejtë themelore dhe se askush nuk mund të mbahet peng i padrejtësisë”, ka thënë ajo.
Spahiu u arrestua në qershor të këtij viti nga autoritetet serbe në pikën kufitare ndërmjet Hungarisë dhe Serbisë dhe akuzohet nga autoritetet serbe për kryerjen e veprës penale “vrasje e rëndë”, në fshatin Banjskë të Zveçanit.
