Gjatë ditës së sotme, Ejup Maqedonci, ministër në detyrë i Mbrojtjes, e ka priturnë takim Gjeneralin Selçuk Bayraktaroglu, shef i Shtabit të Përgjithshëm të Forcave të Armatosura të Republikës së Turqisë.
Maqedonci ka vlerësuar se Turqia është partner i rëndësishëm dhe i pazëvendësueshëm i shtetit tonë.
‘‘Me Gjeneral Selçuk Bayraktaroğlu, diskutuam rreth situatës së sigurisë në Ballkan por dhe për bashkëpunimin e mëtutjeshëm ndërmjet dy shteteve’’, ka thënë ai.
Postimi i plotë:
Sot kisha nderin që të pres në takim Gjeneral Selçuk Bayraktaroğlu, Shef i Shtabit të Përgjithshëm të Forcave të Armatosura të Turqisë.
Turqia është partner i rëndësishëm dhe i pazëvendësueshëm i shtetit tonë.
Me Gjeneral Selçuk Bayraktaroğlu, diskutuam rreth situatës së sigurisë në Ballkan por dhe për bashkëpunimin e mëtutjeshëm ndërmjet dy shteteve.
E falenderova për mbështetjen dhe bashkëpunimin e shkëlqyer ndërmjet dy ministrive dhe ushtrive, që vije dhe si rezultat i urave të ndërtuara përmes kulturës dhe ekonomisë.
Gjeneral Bayraktaroğlu më siguroi se do të vazhdojë bashkëpunimi në trajnimin e pjesëtarëve, ndërtimin e kapaciteteve të mbrojtjes dhe sigurisht në fushën e industrisë së mbrojtjes përmes dhe bashkëpunimit me kompaninë shtetërore MKE dhe kompani të tjera.
Të dy u dakorduam që Kosova ka vendin në NATO, dhe hapat e ndërmarr në transformimin e FSK-së, e bëjnë Kosovën në të ardhmen e afërt aleat të vyer të aleancës euro-atlantike.
