Holanda njoftoi sot se do të lehtësojë kufizimet e paraqitura për të parandaluar përhapjen e COVID-19 dhe për të mundësuar udhëtime në të gjitha vendet e Bashkimit Evropian, duke përfshirë disa që ishin të ndaluara për turistët holandezë për shkak të shkallës së lartë të infeksionit.
Në të njëjtën kohë, autoritetet deklaruan se do të zgjasin ndalimin e festivaleve shumë-ditore, të cilat konsiderohen shumë të rrezikshme, njoftoi Reuters.
Që nga e marta, rekomandimi holandez i udhëtimit nuk do të bazohet më vetëm në normat e infeksionit, gjë që i bëri pushimet në Spanjë dhe Portugali pothuajse të pamundura, tha Ministria e Shëndetësisë në një deklaratë.
Që nga 27 korriku, këshillat negative do të vlejnë vetëm për vendet me një variant të ri shqetësues të virusit që nuk është përhapur ende në Holandë. Gjithashtu, nga 8 gushti, udhëtarët mbi moshën 12-vjeç do të duhet të japin prova të një rezultati negativ të testit kur kthehen në Holandë nga një vend i BE që konsiderohet të ketë një rrezik të rritur të infektimit.
Qeveria holandeze rivendosi kufizimet në klubet e vallëzimit, festivalet e muzikës dhe restorantet më 9 korrik, vetëm dy javë pasi u hoqën, për shkak të një rritje të numrit të të rinjve të infektuar, kryesisht me variantin Delta.
Festivalet në shkallë të gjerë nuk do të lejohen as në gusht, tha qeveria.
