Një rast i rëndë ka ndodhur mbrëmjen e së shtunës në Fushë Kosovë, ku dyshohet se një burrë ka tentuar të vrasë të fejuarën e tij me thikë, raporton Gazeta “Enigma”.
Sipas raportit 24-orësh të Policisë, viktima ka pësuar lëndime nga mjeti i mprehtë. Pas trajtimit fillestar në QKMF, ajo është dërguar në QKUK, ku i është nënshtruar ndërhyrjes kirurgjikale për shkak të gjendjes së rëndë shëndetësore.
Policia ka arrestuar të dyshuarin, i fejuari i saj me të cilin po bashkëjetonte. “Njësitet policore në vendin e ngjarjes kanë gjetur dhe konfiskuar një mjet të mprehtë-thikë, e cila dyshohet se është përdorur në rast. Me vendim të prokurorit i dyshuari pas intervistimit është dërguar në mbajtje”, thotë Policia.
