Policia e Kosovës ka raportuar gjashtë raste të dhunës në familje në 24 orët e fundit, raporton Gazeta Enigma.
Policia ka njoftuar se rastet kanë ndodhur në komuna të ndryshme.
Në Fushë Kosovë, një burrë është arrestuar për dhunë ndaj një gruaje.
Pas intervistimit dhe konsultimit me prokurorin, i dyshuari është liruar në procedurë të rregullt.
Një tjetër rast në të njëjtën komunë ka përfshirë një burrë nën ndikim të alkoolit që sulmoi fizikisht një grua.
Viktima ka pranuar tretman mjekësor, ndërsa i dyshuari është dërguar në mbajtje me vendim të prokurorit.
Në Prishtinë, një grua është sulmuar fizikisht pas një mosmarrëveshjeje nga një burrë.
I dyshuari është shoqëruar në stacion policor dhe rasti po procedohet në procedurë të rregullt.
Në Lipjan, pas një mosmarrëveshjeje, një burrë ka sulmuar fizikisht një tjetër burrë. Të dy palët kanë pranuar tretman mjekësor, dhe rasti është nën hetim.
Ndrësa, në Gjakovë më 27 shkurt, një grua është keqtrajtuar psiqikisht nga një burrë. I dyshuari është arrestuar dhe më pas është liruar në procedurë të rregullt me vendim të prokurorit.
Policia ka njoftuar po ashtu se në Skenderaj një burrë është arrestuar pasi dyshohet se pas një mosmarrëveshjeje sulmoi fizikisht një burrë tjetër.
Në vendin e ngjarjes i dyshuari ka kanosur dhe ka tentuar të sulmojë edhe zyrtarët policorë.
Pas intervistimit dhe me vendim të prokurorit, i dyshuari është dërguar në mbajtje.
