Me rastin e 1 majit, Federata Sindikale e Punëtorëve të Sektorit Privat, ka nisur protestën e paralajmëruar për sot në sheshin “Zahir Pajaziti” në Prishtinë.
Protestuesit po mbajnë pankarta në duar me mbishkrimet, “Mos na shkelni, mjaft pritëm”, “Për pesë vite në punë vdiqën 97 punëtorë”, “Jemi lodh, parlament-qeveri të kujt jeni?”, e disa mesazhe të tjera.
Protesta do të vazhdojë deri në hapësirën ndërmjet objektit të ish-Gërmisë dhe ndërtesës së Qeverisë.
