Zhvillimet lidhur me Lionel Messin tashmë janë në qendër të vëmendjes, shkaku i të ardhmes së tij.
Ende nuk ka nodnjë konfirmim se ku do të luaj argjentinasi pas largimit nga Barcelona si lojtar i lirë, por që shënjestra më e përafërt tashmë dihet.
I vëllai i Emirit të Katarit ka konfirmuar se argjentinasi ka nënshkruar për Paris Saint-Germain.
Khalid bin Hamad Bin Khalifa Al-Thani, i cili është vëllai i Emirit që zotëron PSG-në , konfirmoi në një postim në mediat sociale se negociatat me 34-vjeçarin ishin të përfunduara dhe së shpejti do të vinte një njoftim.
“Negociatat përfunduan zyrtarisht, do të ketë një njoftim më vonë #Messi”, postoi Al-Thani në Twitter.
Ky lajm nuk është befasi pasi Pep Guardiola e përjashtoi Manchester Cityn nga gara për të nënshkruar me Messin në konferencën e tij për shtyp dhe është e qartë se vetëm dy klubet do të ishin në gjendje të përballonin për të nënshkruar me Messin.
Në përpjekjen e tyre për të fituar Ligën e Kampionëve, PSG tani do të ketë në skuadër lojtarë të dëshmuar si Messi dhe Sergio Ramos, duke mos përjashtuar Gigi Donnarumman, Achraf Hakimin dhe Georginio Wijnaldumin.
