Tetë zyrtarë të Policisë së Kosovës janë dekoruar me “Medalje për shpëtim jete”, në vlerësim të guximit dhe profesionalizmit të treguar gjatë ndërhyrjeve për shpëtimin e qytetarëve në situata të rrezikshme.
Drejtori i Policisë, kolonel Gazmend Hoxha, i cilësoi ndërhyrjet e tyre si akte të jashtëzakonshme guximi dhe humanizmi, duke theksuar se ata nuk hezituan të rrezikojnë jetën për të shpëtuar të tjerët.
Në fund të ceremonisë u theksua se Policia e Kosovës vazhdon të mbetet një nga institucionet më të besuara në vend, falë përkushtimit të zyrtarëve të saj në shërbim të qytetarëve.
