Organizatori i protestës “Jo në emrin tim”, Çlirim Haziri, ka ftuar qytetarët t’i bashkohen sonte protestës së 18-të, e cila do të mbahet nga ora 19:00 në sheshin “Skënderbeu” në Prishtinë.
Përmes një postimi, Haziri ka shprehur vendosmërinë për vazhdimin e protestës, duke theksuar se pjesëmarrësit nuk do të ndalen pa u dëgjuar.
“Nuk lodhemi. Nuk ndalemi. Dhe nuk largohemi pa u dëgjuar!”, ka shkruar ai.
Haziri ka përsëritur se protesta mbahet në mbështetje të UÇK-së dhe në kërkim të drejtësisë.
“Për UÇK-në. Për drejtësi. Shihemi në shesh!”, ka përfunduar ai.
