Një stuhi e fortë e ndjekur nga shira të rrëmbyeshëm ka goditur Slloveninë mbrëmjen e kaluar, duke përmbytur më shumë se 500 ndërtesa vetëm në kryeqytetin Lubjanë.
Sipas matjeve, masa e të reshurave ishte 88 litra për metër katror, gjë që ndodh një herë në 250 vite në atë rajon.
Shërbimet e urgjencës morën më shumë se 2 mijë e 700 telefonata nga qytetarët mes orës 20:00 deri në mesnatë, shkruan 24urm.
Rrugët, garazhe nëntokësore si dhe makina të shumta u shkatërruan nga sasia e madhe e shit që ra në një periudhë jashtëzakonisht të shkurtër.
Së bashku me shiun e stuhishëm, po frynte një erë e fortë, e cila rrëzoi pemë në rrugë.
Sipas informacioneve të mëngjesit të sotëm, nuk ka persona të lënduar.
