Komisioneri Evropian për Zgjerimin Oliver Varhelyi deklaroi se udhëheqësit e BE -së do të konfirmojnë angazhimin e tyre për integrimin e plotë të Ballkanit Perëndimor në BE në samitin e sotëm me udhëheqësit e Ballkanit Perëndimor.
“Prandaj, ne duhet të marrim përgjegjësi dhe të marrim vendime që çojnë në atë, që do të thotë hapjen e konferencës së parë ndërqeveritare me Maqedoninë e Veriut dhe Shqipërinë, hapjen e grupeve negociuese me Serbinë, përshpejtimin e punës me Bosnje Hercegovinën për t’u bërë një vend kandidat dhe liberalizimin e vizave për Kosovën”, tha Varhelyi në prag të samitit në Brdo pranë Kranj.
Samiti gjithashtu do të diskutojë mbështetjen për rajonin në luftën kundër pandemisë covid-19, dhe një nga temat do të jetë rimëkëmbja ekonomike pas krizës së covid, shtoi Varhelyi.
Ai shprehu kënaqësinë me fillimin e zbatimit të planit ekonomik dhe të investimeve për rajonin, duke shtuar se ai “duhet të inkurajojë përshpejtimin e integrimit të vërtetë, integrimin e shoqërive dhe ekonomive të Ballkanit Perëndimor në BE”.
