Ministri i Mbrojtjes, Armend Mehaj, ka uruar komandantin e FSK-së, Bashkim Jasharin për marrjen e gradës Gjenerallejtënant, raporton Gazeta “Enigma”.
“Shumë urime komandant Bashkim Jashari avancimin në gradën Gjenerallejtënant. Lufta për Liri dhe Pavarësi, deri në sakrificën e fundit ishte ideali yt, axhallarëve tuaj, komandantëve legjendar Adem e Hamëz Jashari dhe gjithë Familjes suaj Heroike Jashari”, ka shkruar Mehaj në Facebook.
Mehaj tha se detyra, nderi dhe Aatdheu ishin dhe janë maksima e udhëheqjes së Jasharit gjatë gjithë karrierës së tij ushtarake.
Ai shtoi se bashkë do të rrugëtojnë në realizimin e idealit dhe amanetit të dëshmorëve.
“Bashkë do të punojmë në përmbushjen e vizionit tonë shtetëror dhe gjithë qytetarëve të vendit pa dallim; për ushtrinë tonë profesionale, të ndërveprueshme me ushtrinë aleate amerikane dhe forcave tjera të vendeve tona aleate”, ka vazhduar Mehaj./Gazeta Enigma.
