Në qendrën skitare në Brezovicë të shtunën ka ndodhur një aksident në mes të një skjiatori dhe motor-saje brenda shtigjeve të skijimit, raporton Gazeta Enigma.
Shërbimit të Kërkim-Shpëtim Malor i Kosovës ka njoftuar se skijatori ka goditur motor-sajën që ka qenë duke lëvizur brenda shtigjeve të skijimit, dhe si rezultat është lënduar në disa pjesë të trupit.
Në mungesë dhe vonesë të ekipeve mjekësore emergjente në qendrën skitare, dhe bllokim të rrugës nga kaosi i parkimit të automjeteve nuk ka mundur të mbërrijë autoambulanca.
Kurse bëhet e ditur se i lënduari është në gjendje stabile dhe po vazhdon mjekimin.
“Ju njoftojmë që pas ekzaminimeve mjëkësore gjendja e të aksidentuarit është stabil dhe vazhdon të jetë nën mbikëqyrje mjekësore”, thuhet në njoftim./Gazeta Enigma/
