Sot në mëngjes rreth orës 07:00, një aksident trafiku ka ndodhur në rrugën magjistrale Prishtinë-Gjilan, raporton Gazeta Enigma.
Lajmin e ka konfirmuar për Enigmën, Flora Ahmeti, zëdhënëse e policisë për rajonin e Prishtinës.
Në aksident janë përfshirë dy automjete. Si pasojë e aksidentit tre persona kanë pësuar lëndime trupore, të cilët janë dërguar për tretman mjekësor.
Policia ka njoftuar tutje se po merren me hetimin e rastit.
“Sot rreth orës 07:00, kemi pranuar informatën për një aksident trafiku rrugor të ndodhur në rrugën Gjilan-Prishtinë. Në aksident janë përfshirë dy automjete. Si pasojë e aksidentit tre persona kanë pësuar lëndime trupore, të cilët janë dërguar për tretman mjekësor. Njësia rajonale e trafikut po merret me rastin”, tha Ahmeti. /Gazeta Enigma
