Një 50-vjeçar është arrestuar në Shtërpcë, pasi dyshohet se në fshatin Gotovushë e kishte ndaluar veturën e tij dhe e kishte marr një vajzë të moshës 25-vjeçare, ku gjatë rrugës e kishte sulmuar seksualisht.
Me vendim të Prokurorit, ai është dërguar në mbajtje për 48 orë.
“I njëjti, dyshohet se të njëjtën ditë rreth orës 09:00 në fshatin Gotovushë kishte ndaluar automjetin e tij dhe kishte marr viktimën J.V ( F/K) e moshës 25 vjeçare, të cilën gjatë rrugës e kishte sulmuar seksualisht”.
“Pas intervistimit të hetuesve rajonal , në prezencë edhe të avokatit mbrojtës , me vendim të Prokurorit të Prokurorisë Themelore në Ferizaj, i dyshuari është dërguar në mbajtje për 48 orë , për procedura të mëtejme hetimore , ndërsa rasti është cilësuar ‘’ Sulm seksual”, thuhet në njoftimin e Policisë së Rajonit të Ferizajt.
Ndryshe, Stacioni policor në Shtërpcë nga Drejtoria Rajonale e Policisë në Ferizaj, njofton se dje me datë 14.04.2022 rreth orës 13:50 ka pranuar një informacion se në fshatin Gotovushë të Shtërpcës kishte ndodhur një rast i sulmit seksual.
“Në lidhje me këtë, policia e rendit fillimisht, ka marr veprimet e nevojshme dhe ka identifikuar personin e dyshuar A.H ( M/K) i moshës 50 vjeçar dhe vendin e ndodhjes së tij, e më pas e ka shoqëruar në stacionin policor në Shtërpcë dhe në rast janë kyçur Sektori Rajonal i Hetimeve”.
