BE-ja nuk e harron përgjegjësinë që pati për parandalimin e gjenocidit në Srebrenicë

BE-ja nuk e harron përgjegjësinë që pati për parandalimin e gjenocidit në Srebrenicë

Bashkimi Evropian ka thënë se detyra e përbashkët e të gjithëve është të kujtohet përgjithmonë gjenocidi në Srebrenicë, raportron Gazeta Enigma.



Në një deklaratë të përbashkët të lëshuar nga Përfaqësuesi i Lartë i BE-së Josep Borrell dhe komisionari Oliver Varhelyi, thuhet se ata nderojnë kujtimin e të gjitha viktimave të kësaj masakre dhe ata persona që ende janë të zhdukur.

“Evropa nuk e ka harruar përgjegjësinë e saj për të mos qenë në gjendje të parandalojë gjenocidin e Srebrenicës, një nga krimet më të këqija në historinë moderne të Evropës”.

“Nuk mund të ketë pandëshkueshmëri. Gjenocidi është gjenocid, qoftë në Srebrenicë apo gjetkë. Gjykatat ndërkombëtare, gjykatat e brendshme në Bosnjë dhe Hercegovinë dhe në vendet fqinje duhet të vazhdojnë të sigurojnë drejtësi për të gjitha viktimat e krimeve të luftës, krimeve kundër njerëzimit dhe gjenocidit, si dhe për anëtarët e familjes së tyre. Paqja mund të ndërtohet vetëm mbi drejtësinë”, thuhet në deklaratën e lëshuar.

Tutje, thuhet se BE-ja është e përkushtuar shumë për ta mbështetur Bosnje dhe Hercegovinën në krijimin e një shoqërie të ankoruar në pluralizëm, drejtësi dhe dinjitet njerëzor dhe për të ndërtuar një të ardhme së bashku në të cilën konfliktet dhe mizoritë nuk janë më të mundshme./Gazeta Enigma/

Related Articles