Gjatë qëndrimit në Mynih të Gjermanisë, kryeministri Albin Kurti bashkë me zëvendëskryeministren, njëherësh ministren e Punëve të Jashtme dhe Diasporës, Donika Gërvalla, takuan të shtunën Përfaqësuesin e Lartë të Bashkimit Evropian për Politikë të Jashtme dhe Çështje të Sigurisë, Josep Borrell.
Një ditë pas takimit, përfaqësuesi i lartë i BE-së, Josep Borrell, përmes një postimi në rrjetin social Twitter deklaroi se gjatë takimit me kryeministrin Kurti dhe ministren Gërvalla diskutuan për hapat e ardhshëm në dialogun Prishtinë-Beograd.
“Ne diskutuam për hapat e ardhshëm në dialogun Beograd-Prishtinë. Mezi presim përparim konkret së shpejti”, tha Borrell.
Tutje ai shkroi se gjatë takimit me Kurtin e Gërvallën diskutuan edhe për sfidat gjeopolitike dhe implikimet rajonale në Ballkanin Perëndimor.
Good to exchange with PM @albinkurti & FM @gervallaschwarz about the geopolitical challenges we are witnessing at the moment & regional implications on the Western Balkans.
We also discussed next steps in the Belgrade-Pristina Dialogue. Looking forward to concrete progress soon pic.twitter.com/PvAspgKFve— Josep Borrell Fontelles (@JosepBorrellF) February 20, 2022
