Kosova do të përballet me Gjeorgjinë në kuadër të ndeshjes së shtatë në Grupin B për kualifikimet e Kampionatit Botëror ‘Katari 2022’.
Dardanët do të jenë kundërshtar të Gjeorgjisë të martën me fillim nga ora 20:45, teksa Bernard Challandes ka folur për këtë sfidë.
Fillimisht tekniku zviceran foli për ndeshjen ndaj Suedisë, ku e pranoi se nuk është i kënaqur me paraqitjen që bën futbollistët në atë takim, por shpreson se ato gabime do t’i anulojnë.
“Nuk mund të them se jam i kënaqur me paraqitjen që ka pasur ekipi ynë. Kemi biseduar me futbollistët dhe besoj e shpresojë që do t’i eliminojmë ato gabime që kemi pasur për ndeshjen ndaj Gjeorgjisë”
Lexo edhe:
Tutje trajneri zviceran ka folur edhe për gjendjen e sulmuesit Lirim Kastrati, duke thënë se ai është rikthim nga lëndimi dhe është i gatshëm për sfidën ndaj Gjeorgjisë.
“Sa i përket Lirim Kastratit është 100 për qind i gatshëm dhe është pjesë e ekipit për ndeshjen e nesërme”, tha Chllandes.
Kjo është ndeshja e dytë mes Kosovës dhe Gjeorgjisë, ku e para i takoi Dardanëve që fituan në udhëtim 0-1 me golin e Vedat Muriqit.
