Chelsea ka bërë dy goditje të mëdha në minutat e fundit të afatit kalimtar veror të transferimeve.
Londinezët ishin shumë aktivë, duke arritur të marrin sulmuesin Pierre Emerick Aubameyang si dhe mesfushorin Denis Zakaria.
Për Aubameyang, Chelsea gjeti marrëveshje me Barcelonën për shumën e 12 milionë eurove plus shërbimet e Marcos Alonsos.
Ndërkohë londinezët kanë kompletuar edhe huazimin e mesfushorit zviceran Denis Zakaria nga Juventusi.
Zyrtarizimi i dy futbollistëve të ri të Chelseat ka ardhur pas orës 2 pas mesnate, pasi klubi londinez ishte vonuar deri sa kishte bërë gati prezantimin e tyre.
Gjithsesi dy futbollistët janë tanimë pjesë e Chelseat dhe synojnë që sa më parë të debutojnë me londinezët.
