Shefi i ekipit negociator të Republikës së Kosovës, Besnik Bislimi, do të takohet më 13 maj në Bruksel me kreun e ekipit negociator të palës serbe, Petar Petkoviq, me të cilin do të diskutojnë për çështjen e targave, energjisë dhe personave të pagjetur.
Këtë e ka konfirmuar zëdhënësi i BE-së, Peter Stano, në një përgjigje për Tanjug.
Zëdhënësi i BE-së, Peter Stano, tha se negociatorët kryesorë të Kosovës dhe Serbisë, Besnik Bislimi dhe Petar Petkoviq, do të vazhdojnë bisedimet për targat, energjinë dhe personat e zhdukur në Bruksel të premten.
Në Bruksel shtojnë se përgatitja e dialogut në nivelin më të lartë ndërmjet Beogradit dhe Prishtinës varet nga suksesi i bisedimeve ndërmjet negociatorëve kryesorë dhe se shpresojnë që një takim mes kryeministrit kosovar Albin Kurti dhe presidentit serb Aleksandar Vuçiq mund të zhvillohet në maj. / Gazeta Enigma.
