Katër civilë janë qëlluar për vdekje në rajonin e Luhanskut në Ukrainë, gjatë një sulmi rus, ka thënë guvernatori rajonal, Serhiy Gaidai të hënën përmes një postimi në Telegram.
Sipas Gaidait, personat u qëlluan derisa po përpiqeshin të iknin me veturë nga qyteti i Kreminës në këtë rajon, raportoi Reuters.
Të hënën është raportuar edhe për gjashtë të vdekur në Lviv të Ukrainës, vetëm 60 km larg Polonisë.
Këta persona mbetën të vdekur si pasojë e një sulmi ajror, ku edhe 11 të tjerë kanë mbetur të lënduar. / Gazeta Enigma.
