Në Gjykatën e Apelit, të enjten, u mbajt seancë dëgjimore për rastin e vrasjes së Agonis Tetaj. Ankesat para këtij trupit gjykues, për vendimin e Themelores i paraqitën të gjitha palët.
Familja viktimës kërkoi me ngulm që dorasi të dënohet më shumë se shtatë vjet e gjashtë muaj. Për ashpërsim të dënimit, pas kthimit të rastit në rigjykim avokati i familjes Tetaj, Berat Tmava, tha se ka mjaftueshëm prova.
Megjithatë, kërkesë krejt të kundërt ka mbrojtja e Shaban Gogajt, që vrau më armë punëtorin e kompanisë së babait.
Avokati, Besnik Berisha tha se dënimi ndaj Gogajt duhet të ulët.
Gogaj u dënua për veprën penale vrasje nga pakujdesia, derisa sipas avokatit të viktimës gjykimi duhet të bëhet si vrasje e rëndë.
Në lidhje me këtë kërkesë për rikualifikim të lëndës e edhe për dënimin e Gogajt vendimi mbetet në duar të Gjykatës së Apelit.
