Federata e Futbollit e Kosovës ka caktuar Taulant Hodajn, si ushtruesin e detyrës së sekretarit të përgjithshëm, raporton Gazeta “Enigma”.
Kjo është bërë e ditur përmes një njoftimi për media, ku u zyrtarizua vendimi se Hodaj do të jetë u.d i sekretarit të përgjithshëm.
Kjo vjen pas dorëheqjes së Eroll Salihut nga kjo pozitë.
“Presidenti Agim Ademi në bazë të kompetencave të tij, e ka emëruar sot Taulant Hodajn, ushtrues detyre të sekretarit të përgjithshëm të FFK-së. Hodaj ka qenë udhëheqës i Zyrës Ligjore të FFK-së, si dhe avokat i FFK-së, i cili e ka përfaqësuar FFK-në si në arenën ndërkombëtare edhe në atë vendore, teksa tash do të jetë edhe ud. Sekretar i Përgjithshëm” – thuhet në njoftimin e Federatës./Gazeta Enigma.
