Gary Neville beson se Arsenali nuk do ta fitojë Premier League këtë sezon, pavarësisht nga epërsia e tyre prej tetë pikësh në krye të tabelës dhe madje mendon se Manchester United do ta përfundojë sezonin mbi ta.
Arsenali kaloi më tej në krye të tabelës së Premierligës me një fitore 2-0 ndaj Tottenhamit.
Kur u pyet nëse Arsenali do ta fitojë Premier Ligën, Neville tha në podcastin e tij: “Jo. Manchester City do ta fitojë ligën, dhe unë mendoj se Man Utd do të përfundojë i dyti, dhe e di që kjo do të mërzitë tifozët e Arsenalit”, tha ai.
“Më mirë që Arsenali të fitojë ligën sesa Man City. Mendoj se do të ishte absolutisht e bujshme për Premier League. Realiteti është, mendoj se në një moment Man City do të arrijë një ecuri. Pasi ta bëjnë, ata duhet të luajnë dy herë me Arsenalin”, përfundoi ai.
